Estratexias

Cartel curso de verán

Hoxe é o día da música e tamén recen chegou unha nova estacion, pero tamén é o día en que remata o Curso de verán “Estratexias Cidadans para os tempos da Crise 2” que xa empezara o 17 deste mes. Os organizadores decidiron facer unha segunda convocatoria centrada en Arteixo despois do éxito da primeira que foi en Carballo.

 A paisaxe creada pola explotación desmesurada destes últimos anos  é unha realidade que temos que analizar. A etapa que vivimos pode, e debe, ser un momento de revisión e búsqueda de novas alternativas mais adaptadas a novos pensamentos, pensamentos non enclaustrados no devenir lineal ó que estábamos acostumados a seguir.

 Por eso mesmo, non podemos estudar os problemas dende un único punto de vista, precisamos a colaboración de todas as disciplinas, no curso estiveron as seguintes: xeografía, ordenación do territorio, medio ambiente, socioloxía, fotografía, arqueoloxía e arquitectura.

Polo noso traballo somos coñecedores da complexidade do espacio público e por iso apoiamos a interacción de coñecementos.

As conferencias foron a cargo de Cristobal Crespo, Pablo Gallego, Rosa Mª Regueiro, Olalla Caamaño + Javier Harguindey, Ismael Ameneiros + Santiago Rey,  Felipe Peña, Covadonga Carrasco + Juan Creus, Enrique Saavedra, Ruth Varela e Paco Pestana.

Os alumnos estudaron a maneira de facer unha normativa axeitada e tamén fixeron unha práctica real sobre a zoa, propoñendo alternativas que poden ser útiles ó Concello de Arteixo.

Seis grupos de traballo de 4-7 alumnos con un tutor por grupo abordaron as seguintes temáticas:

- A Lei do solo nos núcleos urbanos de Galicia.

- As normativas urbanísticas.

- Os crecementos e transformacións.

- Espazos públicos nos núcleos, relación cos espazos privados e elementos  definitorios destes.

- Os motivos da desaparición dos espazos de relación.

- Camiños e vías.

- Toponimia.

- Tipoloxías arquitectónicas.

- Tipoloxías construtivas- patoloxías.

- Os detalles construtivos.

- Construcións adxectivas.

É evidente que temos a necesidade de escoitarnos, de reflexionar e actuar sobre o que podemos facer neste momento de incertidumbre. A creatividade  ten una función esencial na recuperación da situación.

Felicitamos  o grupo de investigación “Proyecto de Arquitectura y Ciudad”, a  Universidade da Coruña, a Escola de Arquitectura da Coruña e o Concello de Arteixo por este curso de verán e a preocupación por loitar para mellorar o noso entorno.