24 de mayo de 2012

Un parque celta en Jinzhou

A miña visita a Galopín
Hai pouco tempo fun convidado a visitar as instalacións de Galopín en Cerceda. Intuía que se podía tratar dunha visita interesante xa que coincidira nalgunha ocasión con Manu e tamén tiña traballado co equipo de Galopín no desenvolvemento dun proxecto.
Pero estar alí, coñecer todo o equipo, ver como e onde traballan e sentirme partícipe do seu ambiente, sorprendeume moi gratamente. Logo, coñecer o proxecto de As Salgueiras, da man do propio Manu, fascinoume.
A invitación de Galopín xurdiu a raíz do proxecto do Xardín Celta que ideei con motivo da Exposición Universal de Arte da Paisaxe que terá lugar en China no 2013.  Como resposta a esta   acollida, pensei que este blog sería un bo lugar para mostrar o proxecto e convidarvos a todas/os a visitar a exposición  que se levará a cabo a partir de Maio do próximo ano en Jinzhou, ó nordeste de Pekín.

 2013 world art landscape exposition Jinzhou
O Xardín Celta xurdiu con motivo dun concurso internacional de arquitectura paisaxista organizado pola cidade de Jinzhou para a“ 2013 World Landscape Art Exposition Jinzhou”.
O concurso buscaba unir as diferentes culturas do mundo a través da arte da paisaxe. Cada concursante elixido, debía propor un xardín inspirado en elementos característicos da paisaxe da súa rexión. Neste contexto, o Xardín Celta resultou seleccionado e será realizado xunto con outros 19 xardíns de arquitectos paisaxistas de todo o mundo, formando parte dun gran parque de 176 ha.

                                                                                              vista xeral xardín celta
O xardín, que está inspirado nas formas dos castros, parte da superposición de diferentes elementos circulares de distintos tamaños e funcións. No centro da parcela proponse unha lámina de auga circular na que aparece un pavillón cilíndrico de vidro para albergar un centro de interpretación da cultura celta. En torno ao lago, créanse distintas situacións mediante actuacións topográficas. Por un lado, volumes de pradería que estruturan o espazo e crean distintos puntos de visión. Mentres, superficies circulares esculpidas no chan, serven para ir descubrindo zonas de estar mais íntimas ou secretas.
planta xardín celta
Con outra lóxica tamén de círculos aínda de menor tamaño, son introducidas no xardín distintas variedades de plantas rastreiras que aportan cores e texturas. Pequenas superficies de pradería para o desfrute dos visitantes e símbolos da cultura celta impresos en pezas circulares de formigón.
Todas as plantacións tanto herbáceas como arbóreas, son dispostas por todo o xardín sobre unha matriz de círculos de distintas dimensións que funcionan como pequenas gabias. A disposición das plantacións conforma os camiños creando os sentidos de circulación e favorecendo percorrer  todo o espazo.
distintas vistas xardín celta
O xardín está pensado fundamentalmente en dúas lóxicas. Por un lado, a grande riqueza de situacións espaciais xunto co efecto de espello do ceo da lámina de auga e as masas de plantacións ricas en cores e texturas. Por outro lado, a simboloxía celta disposta por todo o xardín, tanto no chan como na fachada do pavillón, que pretende espertar o interese dos visitantes e facer que estes descubran no centro de interpretación, a cultura celta, a súa relación coa natureza e a súa incidencia na nosa paisaxe.
Durante o proceso creativo deste xardín, investigando a cultura celta, quedei fascinado coa relación que os celtas tiñan coa natureza.  Dalgunha forma, como cando coñecín As Salgueiras e a súa defensa da Biofilia.

Martín Toimil


7 comentarios:

  1. Es curioso darse cuenta de como las culturas tienen diferencias y al mismo tiempo, elementos en común. Cerca de Pekín realizar un parque inspirado en la relación que tenían los celtas con la naturaleza, en parte mito y en parte realidad.
    Martin, en tus proyectos lo natural y lo construído se funden y complementan con respeto. Hay implícito un lenguaje actual, de gran engranaje paisajístico y el efecto final recuerda a un entorno consolidado ya en el paisaje.
    Enhorabuena por este premio

    ResponderEliminar
  2. Resulta unha honrra coñecer a Martin. Compartimos aficions relacionadas ca etoloxia, antroploxia, e o amor polos animáis. Gracias a elas, nos coñecimos e poidemos traballar en algún proxecto. A pesares de ser un home xoven, atesora unha experiencia impresionante no tratamento da paisaxe e o deseño de xardins. A sua vocación e o espazo publico e co exemplo premiado que nos conta, levando a nosa cultura a outra banda do mundo, expresa perfectamente a capacidade que ten o espazo publico, para promover o orgullo colectivo. Mais ou menos como nos sentimos por estar entre o circulo de colaboradores deste gran arquitecto paisaxista, o cal non dubidamos que ten por diante moitos éxitos. noraboa Martin.

    Manu Iglesias

    ResponderEliminar
  3. Esa capacidade de integrar o natural co artificial, as formas orgánicas cas xeométricas, os elementos vivos cos inertes, e que o resultado final resulte non forzado, fluido e donde ningún elemento desentona sobre os demáis, entendo que non está ó alcance de calquera. Exemplos do contrario podémolos ver a diario en cada esquina das nosas cidades e pobos. Seguramente nesa capacidade de Martín teña moito que ver a sua doble formación Agrónomo / Arquitecto.

    Haberá que esperar a ver o proxecto plasmado sobre o terreo, porque sobre o papel as sensacións son moi boas.

    Noraboa polos éxitos acadados con este proxecto.

    ResponderEliminar
  4. Aprovecho la ocasión para recalcar la importancia de la arquitectura española, y más concretamente de los autores que, como Martín, son primeros espada de nuestra proyección internacional.

    Además del positivo impacto social y la originalidad paisajística de proyectos como el de Jinzhou, subyace una labor igual de importante, que es la de construir progresivamente una imagen global relacionada con la creatividad e innovación. Doblemente meritorio en tiempos donde España es titular de las portadas internacionales por motivos muy diferentes.

    Estoy convencido de que el espacio público, y las actividades económicas relacionadas con el mismo, son un magnífico reflejo de las grandes potencialidades y capacidades de las que dispone este país actualmente.

    Enhorabuena por el proyecto Martín

    Jorge

    ResponderEliminar
  5. Noraboa

    Ogalla, tiveramos mil como este home que sabe levar o noso talento tan lonxe

    ResponderEliminar
  6. Enhorabuena Martín!!! brillante proyecto y brillante promoción de la cultura celta por el mundo.OJalá!! pudiésemos acercarnos a Pekin en el 2013 y recorrer tu jardín por dentro y ese fascinante y majestuoso parque de 176ha.
    Saludos.

    ResponderEliminar
  7. Moitos parabéns Martín! Este proxecto é un auténtico orgullo para tódolos galegos!

    Dá gusto ver como se exporta a nosa rica e fermosa cultura desta maneira.

    Sabrina.

    ResponderEliminar

Deja tu comentario en As Salgueiras