19 de noviembre de 2012

O Colexio Touro visita Galopín para aprender cómo se fai un xogo


Disfrutando de los juegos
 Fai uns días recibimos en Galopin a visita dunha quincena de alumnos do C.P.I. Fonte Diaz de Touro. Os alumnos viñas acompañados do seu mestre das asignaturas de “Taller de Iniciativas Emprendedoras” e “Diversificación Curricular”, Manuel Sanchez, ca intención de ver de primeira man todo o proceso de fabricación dun xogo infantil, dende que surxe a primeira idea ou bocexo, ata que finalmente se instala na área de xogo. Tratábase de ver na práctica o que antes puideron ver de forma teórica nas clases sobre a posta en práctica dun proxecto ou idea, dende que apenas é un xermolo, ata que finalmente se plasma nun elemento real.
Aprendiendo cómo se diseña un juego
A visita comezou na Oficina Técnica, onde se lles mostrou como a partir dunha primeira idea básica, se desenrola o modelo 3D e con el, toda a documentación necesaria, información comercial, fichas técnicas, planos de fabricación … en definitiva tódolos requirimentos para a súa posta en produción e posterior comercialización. Aquí puideron ver en primicia os novos modelos que se están desenrolando na actualidade, e que proximamente se poderán ver instalados na rúa.
O seguinte estación da visita foi para ver tódolos prototipos que se estaban a construír nese momento, moitos deles enmarcados no que poderíamos chamar GAMA BIOFÍLICA onde se prioriza o uso de elementos totalmente naturais, que se integren ca natureza e sexan respetuosos co entorno onde se instalan. Aquí destaca o predominio da madeira de Robinia (madeira que se usa nun estado totalmente natural, que proporciona unhas cualidades extraordinarias para o seu uso en xogos infantís, e que é apta para o seu uso á intemperie sen aplicación de ningún tipo de tratamento funxicida, nin bactericida, polo que é totalmente inocua co medio natural), o uso de metais (100 % reciclabes ) sobre os plásticos e materiais sintéticos, e unha potenciación das propias formas naturais que nos proporciona a madeira intentando manter o as formas orgánicas sobre as artificiais.
Concluída a visita o taller de prototipos, fíxose unha visita completa o resto de instalacións da empresa, pasando polas sección de carpintería, taller de metal, sección de redes, expedición, montaxe, etc.
Finalmente, para rematar a visita, e antes de tomar o camiño de retorno a casa, os rapaces fixeron unha breve parada na área de xogos que Galopín ten instalado no exterior das instalación, no entorno do río Cavancos, onde ademais puideron comprobar de primeira man, o resultado de todo o traballo que se ven desenrolando dende Cerceda.

Pablo Buyo

1 comentario:

Deja tu comentario en As Salgueiras